Për dy kuti të vogla kremi dhe një antidjersë, Gjykata e Tiranës ka dënuar 65- vjeçaren me 3 vjet burg. Ajo u shpall fajtore pasi në një prej marketeve të Tiranës vodhi këto produkte me shumën prej 18 mijë lekësh të vjetra.
Masa e dënimit të saj është pezulluar nga Gjykata për shkak të moshës së thyer që e moshuara ka dhe është vendosur dënimi me 18 muaj lirim me kusht.
Ngjarja ka ndodhur më 16 qershor të vitit 2015, rreth orës 10:20 në rrugën “Reshit Collaku”, prapa pallateve “Agimi”. E moshuara 65vjeçare e identifikuar me inicialet A.D. ka hyrë në supermarketin e shtetasi E.XH. dhe ka marrë një antidjersë dhe dy kuti të vogla kremi për fytyrën, duke i futur në një çantë të zezë. Menjëherë pasi ka konstatuar vjedhjen, kallëzuesi ka dalë me vrap nga marketi dhe e ka ndaluar të moshuarën disa metra më tutje. Kjo e fundit i nxori produktet e vjedhura nga çanta dhe i hodhi në rrugë. I gjithë malli kushtonte 18 mijë lekë të vjetra. Pas kësaj, pronari i supermarketit e kallëzoi penalisht të moshuarën, e cila u deklarua fajtore pas vendimit të gjykatës
