Partia e Lirisë ka depozituar në KAS kërkesën për regjistrimin e emrit të Sali Berishës si drejtues i koalicionit “Bashkë Fitojmë”, në fletën e votimit për lokalet e 14 Majit.
“Në emër të koalicionit “Bashkë Fitojmë”, si edhe të partive përbërëse të tij, ju informoj për efekt të pasqyrimit korrekt të të dhënave të koalicionit, në fletën e votimit sipas parashikimeve të nenit, 98 të Kodit zgjedhor, se drejtues i koalicionit është deputeti Sali Berisha”, thuhet në shkresën që mban firmën e përfaqësuesit të PL, Endrit Braimllari.
Pas kërkesës së PL për të vendosur Berishën si drejtues të koalicionit, pritet vendimi i KAS. Komisioni i Ankesave dhe Sanksioneve diskutoi kërkesën ditën e sotme, ndërsa është tërhequr për vendim.
