Dy vëllezër nga Kosova janë arrestuar nga policia e Tiranës. Të dy akuzohen se kanë bërë kallëzim të rremë për vjedhjen e një automjeti, që sipas bluve, rezultoi se e kishin shitur. Qëllimi i tyre, sipas hetimeve, ishte të përfitonin nga siguracioni.
Në pranga u vunë, S.G., 27 vjeç, dhe B.G., 21 vjeç, të banues në Finlandë. Gjithashtu u proceduan penalisht shtetasit V.K., 49 vjeç, dhe I.K., 24 vjeç, të dy banues në Kavajë.
“Dy vëllezërit (S. G., dhe B. G.) kanë bërë kallëzim të rremë për vjedhjen e automjetit të tyre BMW X6, të cilin e kanë shitur te shtetasit V.K., dhe I.K., me qëllim përfitimin e siguracionit të automjetit. Në cilësinë e provës materiale u sekuestruan 6800 euro dhe pjesët e automjetit që janë gjetur në një pikë shitjesh automjetesh, në Kavajë”, njoftoi policia.
