Hysni Dede, mjeku gastrahepatolog i ftuar në Faxnews ka folur rreth ndikimit të agjërimit në shëndetin tonë.
Dede për gazetaren Xhoana Çallaku renditi edhe disa nga përfitimit e agjerimit. Mes tyre ulja e stresit, ndikon në obezitet, në normalizimin e sheqerit apo edhe tensionit.
Dede: Agjërimi që aplikohet nga besimtarët e fesë islame, është një formë e absistencës, ose të ndërprerjes së ushqimit që lidhet me 2 nga kulmet kohore të ciklit 24 orësh, që janë agimi dhe perëndimi i diellit. Të dyja lidhen me ritmin cirkadian.
Agjerimi ka disa të mira, ndoshta feja nuk e ka ditur nga ana mjekësore por studime të shumta kanë treguar se agjerimi ka të bëjë me një efekt shumë të mirë anti-inflamamtor për organizmin.
Për personat që kanë stres, është parë që agjerimi ndikon mirë, në uljen e stresit oksidativ.
Ajo që është nga ana praktike dhe më e evidentueshme është përmirësimi i asj që ne e quajme sindroma metabolike, ndikon goxha mirë në obezitet, në normalizimin e niveleve të glicemisë, pra sheqerit në gjak, tek normalizimi i tensionit dhe normalizimi i yndyrnave në gjak. Ky lloj agjërimi ka efekt pozitiv edhe në këtë drejtim.
