Deputeti i Partisë së Lirisë, Petrit Vasili me anë të një postimi në rrjetin social Facebook ka denoncuar sërish Policinë Bashkiake të Tiranës si gjobaxhinj dhe një “bandë” që ka për synim të mbysë qytetarët.
Duke publikuar një foto të dy policëve bashkiakë që janë shfaqur në një bllok rrugicash pas stadiumit “selman Stërmasi” sapo u ndal shiu i mëngjesit, Vasili e akuzon këtë strukturë të urdhëruar nga Veliaj për abuzimin me qytetarët lidhur me parkimet.
“Ja ku i keni tani qe ne mëngjes gjobaxhinjte e Veliajt. Mbrapa stadiumit “Selman Stermasi” është vërsulur Policia Bashkiake, qe i mbyti qytetaret e Tiranës, te cilët sapo kane filluar punët e ditës u dalin përpara këta syfetet e Veliaj. Policia e Veliajt qe mbyt me gjoba, qe rrëmben spinaqin dhe qepet e trastave fshatareve, por qe horrave u rrinë dhjete km larg”, shprehet Vasili.
