Një shtetas anglez dhe një italiane janë proceduar penalisht nga policia kufitare në Rinas, pasi gjatë kontrollit me pajisje dedektuese, u janë zbuluar të fshehura në trup nga 20.000 paund secilit.
Dy personat në fjalë udhëtonin drejt Shqipërisë me një fluturim nga Londra. Policia iu ka sekuestruar atyre shumën prej 40.000 paund.
Njoftimi i policisë:
Shërbimet e Policisë Kufitare të Rinasit, si rezultat i kontrolleve intensive në hyrje/dalje të vendit, me qëllim parandalimin dhe goditjen e paligjshmërive në kufi, si dhe për të garantuar qarkullimin e lirë dhe të sigurt të shtetasve dhe mallrave, kanë konstatuar 3 raste të këtyre paligjshmërive, konkretisht:
-Në hyrje të Republikës së Shqipërisë, gjatë kontrollit fizik, shtetasit anglez Ë. A., iu gjetën të fshehura në trup, 20 000 paund. Në përfundim të veprimeve procedurale, u referuan materialet në Prokurori ku nisi procedimi në gjendje të lirë për shtetasin anglez W. A., 39 vjeç, banues në Londër, si dhe iu sekuestrua shuma e parave.
-Në hyrje të Republikës së Shqipërisë, gjatë kontrollit fizik, shtetases italiane E. M., iu gjetën të fshehura në trup dhe në çantën e dorës, 20 000 paund. Për këtë rast, u referuan materialet në Prokurori ku nisi procedimi në gjendje të lirë për shtetasen italiane E. M., 32 vjeç, banuese në Londër, si dhe iu sekuestrua shuma e parave.
Materialet procedurale i kaluan Prokurorisë, për veprime të mëtejshme.
