Kryebashkiaku i Elbasanit Gledian Llatja, duket e ndjek fushatën elektorale të rivalit të tij të opozitës Luçiano Boçi. Madje, duket i kanë pëlqyer disa ide të Boçit dhe ka vendosur që t’i bëjë pjesë në fushatën e vetë elektorale.
Në videon e mëposhtme të publikuar nga Luçiano Boçi, shihen disa ide që ka deklaruar vetë kandidati i opozitës për një projekt për lagjen Kala në Elbasan dhe shtëpinë e Lef Nosit. Po këto ide janë prezantuar edhe 6 ditë më vonë nga socialisti Gledian Llatja.
Duket se të njëjtën ide socialisti ka pasur dhe për shtëpinë e Aleksandër Xhuvanit, arsimtarit të njohur, të cilin Llatja e ngatërron dhe me Aleksandër Moisiun. Po ashtu Llatja ka prezantuar si program të tij dhe ndërtimin e muzeut të arsimit, një ide kjo e prezantuar më herët nga Boçi.
“Kush duhet ta drejtojë Elbasanin…Nëse drejtuesi aktual kopjon kryetarin e rradhës – atëherë përgjigja dihet… Suksese në jetë”, shkruan Boçi përkrah videos.
