Interi triumfoi me rezultatin 0-2 ndaj Benfikës. Golat për zikaltrit u shënuan nga Barela dhe Lukaku me penallti, ndërkohë që lojtari më i mirë i këtij takimi është zgjedhur mbrojtësi Bastoni.
Ai dhuroi një asist fantastik në golin e parë të Barelës, si dhe ishte protagonist me topin e dhënë për Dumfris në momentin e penalltisë.
Gjithashtu Bastoni ka bërë edhe një paraqitje dinjitoze në repartin difensiv duke qenë i pakalueshëm. Jo më kot italiani është zgjedhur lojtari më i mirë nga vëzhguesit teknik të UEFA-s.
