Kryetari i PD-së, Sali Berisha u shpreh se kryeministri Edi Rama është një pushtues që i shkatërroi arsimin qytetit të Elbasanit.
Komentet i bëri gjatë takimit ku prezantoi kandidatin e koalicionit “Bashkë Fitojmë” për Bashkinë e Elbasanit, Luçiano Boçin.
Berisha i bëri thirrje qytetarëve që të zgjohen dhe ti dalin zot Shqipërisë, e cila sipas tij po zbrazet dita ditës nga qytetarët.
Ai kërkoi votën për Luçiano Boçin në Elbasan, duke thënë se është kandidati më i mirë që mund të përfaqësojë këtë qytet.
“Ky është mesazhi i fitores së pluralizmit politik në Elbasan dhe Shqipëri. Mesazhi i fitores së Luçiano Boçit si qytetar i parë i Elbasanit. Në 14 maj, në Elbasan dhe mbarë Shqipërinë, përballet monizmi me idealet e lirisë. Përballet monizmi me dëshpërimin që mbjell, me shpresën. Zgjedhjet e 14 majit janë zgjedhjet e jetës sonë. Janë zgjedhjet për fatin e Elbasanit. Elbasani do të jetë në krye të fitores, në krye të përpjekjeve për triumfin e pluralizmit. Kurrë mos harroni se më momentet kritike ju keni ndarë më mirë e më drejtë se gjithë të tjerët.
Atdhedashuria bëri që Elbasani të jetë qyteti i dritës për gjithë Shqipërinë. Është ky qyteti ng ai cili u përgatitën mijëra misionarë të dijes, që ndriçuan mendjen e shqiptarëve me atdhedashuri. Është ky qyteti që do të konservonte të folmen më të bukur shqiptare, që komësia e gjuhës do e zgjidhte si gjuhën zyrtare shqiptare. Në 14 maj të votohet pluralizmi, të votohet Luçiano Boçi. Shumë herë jemi takuar në këtë stadium. Shumë herë kam paraqitur kandidatët për deputetë e për kryebashkiakë. Por kurrë nuk jam ngjitur në këtë platformë më krenar se sot. Sepse unë paraqes sot kandidat për qytetar të parë të Elbasanit, një nga bijtë tuaj më të shquar, nënkryetarin e PD-së, Luçiano Boçin.
Paraqes kandidatin që ju e votuat, që ju i besuat. Në 14 maj ne çelim kohën e vendosjes në pjedestal të përfaqësimit dhe dinjitetit tuaj. Liria nuk ka asgjë më shumë se dinjiteti i një njeriu. Me Boçin dhe gjithë kandidatët e “Primareve”, hapim kapitullin e përfaqësimit dinjitoz të shqiptarëve. Ju do të mbeteni të parët për Luçiano Boçin. Ata që studiuan në Elbasan dhe përhapën në të katër anët e kombit dritën e dijes, nëse do të ringjalleshin dhe mendonin një moment për Elbasanin e sotëm, do të ishin shumë të zhgënjyer. Çka ndodhur me shqiptaërt? Si ka mundësi që në djepin e arsimit të preferojnë vetëm 2 të rinjë shqiptarë? Cili është ai pushtues që u bëri këtë qytetarëve me arsimin e tyre? Përgjigja është vetëm një, është Edi Rama.
Si ka mundësi të ecim të përgjumur duke parë Shqipërinë që shpërbëhet çdo ditë, duke parë shqiptarët që largohen nga vendi. Të zgjohemi, ti dalim zot Shqipërisë. Të zgjohemi e të firmosim fitoren e Boçit në Elbasan. Pse Shqipëria nga dhe i bekuar u shndërrua në 8 vite në qytet të mallkuar në të cilin qytetarët nuk besojnë se mund të ndërtohet jeta”, u shpreh Berisha.
