Mjekët në Angli kanë protestuar për rritjen e pagave. Ata kanë anuluar vizitat 4 ditore këtë javë, duke çuar në shtyrjen e një çerek milioni takimesh mjekësore.
Dr. Layla McCay, drejtore e politikave në Konfederatën NHS, tha se ndikimi pritet të jetë shumë më i madh se një largim tre-ditor muajin e kaluar nga mjekët në fillim të karrierës së tyre që çoi në shtyrjen e 175,000 takimeve dhe procedurave.
“Ndikimi do të jetë aq i rëndësishëm sa që ky ka të ngjarë të ketë ndikim në sigurinë e pacientit dhe ky është një shqetësim i madh për çdo drejtues të kujdesit shëndetësor,” tha McCay për BBC Radio 4.
Javën e kaluar, punonjësit e zyrës së pasaportave filluan një grevë pesë-javore dhe oficerët e sigurisë në aeroportin Heathroë u larguan nga puna për 10 ditë. Grevat nga drejtuesit e trenave dhe autobusëve, punonjësit e postës, shoferët e ambulancave dhe infermierët kanë krijuar kërdi për britanikët, shkruajnë mediat e huaja.
Mësuesit planifikojnë të organizojnë greva më 27 prill dhe 2 maj, duke i shqetësuar më tej prindërit dhe nxënësit. Shoqata Mjekësore Britanike tha se mjekët e rinj kanë humbur më shumë se 26% në paga në terma realë gjatë 15 viteve të fundit. Sindikata tha se grevat mund të shmangen nëse qeveria bën një ofertë të arsyeshme. Departamenti i Shëndetësisë dhe Kujdesit Social ka këmbëngulur që grevat të anulohen përpara se të zhvillohen negociatat.
