Një 26-vjeçar në Fier ka përfunduar në prangat e policisë, pasi dyshohet se ka kryer marrëdhënie seksuale me dhunë me një të mitur.
“Specialistët për Hetimin e Krimeve të Komisariatit të Policisë Mallakastër ndaluan shtetasin D. M., 26 vjeç, banues në Mallakastër, pasi dyshohet se ka kryer marrëdhënie seksuale me dhunë me 1 shtetase të mitur 15 vjeçe”, thuhet në njoftimin e policisë.
Mësohet se gjatë kontrollit të banesës së shtetasit me iniciale ‘D.M’, është gjetur dhe sekuestruar edhe një armë gjahu, të cilën e mbante pa lejen përkatëse.
Ndërkohët, materialet i kaluan Prokurorisë, për veprime të mëtejshme procedurale
