Gjatë javës që po lëmë pas moti në vendin tonë ka qenë i paqëndrueshëm, me vranësira dhe temperatura të ulta, por gjasat janë që një kthesë të ndodhë në fundjavë.
Sipas meteorologut Hakil Osmani duke filluar nga dita e sotme vendi do të përfshihet nga një rritje e lehtë temperaturash, por reshje shiu të izoluara do të regjistrohen në fundjavë.
“Rajoni i Ballkanit është përfshirë nga një masë e ngrohtë këtë të premte, duke përfshirë këtu edhe vendin tonë që të jetë nën masa ajrore të qëndrueshme edhe vendin tonë duke bërë që të kemi alterime vranësirash dhe kthjellimesh.
Fundjava do të sjellë vranësira të shpeshta që më të fokusuara do të jenë në zonat malore ku herë pas here do të ketë edhe reshje. Ditën e sotme kemi pasur edhe rritje të temperaturave të ajrit në mesditë deri në 13 apo 14 gradë në Ultësirën Perëndimore gjatë fundjavës do të kemi një tjetër rritje të temperaturave në zonat malore një rritje me 2-3 gradë në orët e para të mëngjesit dhe deri në 18 gradë në mesditë në Ultësirën Perëndimore”, tha ai.
