Të shtëna me armë zjarri janë raportuar në Katund Sukth, të Durrësit. Nuk raportohet për persona të lënduar.
Sipas rindërtimit paraprak të ngjarjes, një i ri dyshohet se ka kryer qitje të pavullnetshme në tokë me kallashnikov e më pas është laruar nga vendngjarja.
Autori është identifikuar dhe shpallur në kërkim.
“Rreth orës 19:20, në Katund Sukth, shtetasi R. T. dyshohet se ka kryer qitje të pavullnetshme, në tokë, me armë zjarri kallashnikov, dhe më pas është larguar menjëherë. Shërbimet e Policisë, me marrjen e njoftimit, janë vënë në ndjekje të shtetasit R. T, 30 vjeç. Vijon kontrolli i zonës dhe janë ngritur pika kontrolli, me qëllim kapjen e tij. Grupi hetimor ndodhet në vendngjarje dhe po vijon punën për sqarimin e rrethanave të ngjarjes”, njoftoi policia.
