Eksplozivi e kallashikovi janë kthyer në një armë të lakmueshme për krimin e organizuar, por atentatet dhe kërcënimet mbeten të pazbardhura nga organet e drejtësisë.
Mëngjesi i kësaj të hëne shënoi 1 javë nga sulmi terrorist ndaj televizionit Top Channel, ku viktimë mbeti roja i sigurisë, 60-vjecari Pal Kola, ndërsa policia dhe prokuroria ende nuk kanë shkuar drejt një emri konkret si autor i dyshuar.
Mësohet se lidhur me rastin, Top Channel, i ka dërguar një kërkesë policisë së shtetit për tu informuar mbi hetimet por nuk ka marrë ende përgjigje, kjo pasi hetimet mbi rastin ”kanë ngecur”.
Humbja e gjurmëve dhe zbulueshmëria e ulët duket se i ka bërë të lakmueshëm atentatet, sepse ky nuk është rasti i parë që drejtësia dështon në punën e saj.
