Qeveria duket se e ka vendosur do të ketë një taksë të re për banesat. Sipas qeverisë e shtyrë nga situata e përmbytjeve do të duhet të detyrohet që të gjithë shqiptarët të paguajnë një taksë të re. Pra edhe ai që banon në katin e pestë të një pallati duhet të paguajë çdo vit për të dëmshpërblyer viktimat e Vjosës ose të Drinit. Në fakt të gjitha këto viktima janë të qeverisë e cila duke mos u kujdesur dot për shtretërit e lumenjve kujtohet tu rrasi shqiptarëve taksën e radhës.
Krah për krah me qeverinë në këtë demarzh korruptiv janë edhe kompanitë e sigurimeve. Në një intervistë për News 24 presidenti i Eurosig Kadri Morina me një shqipe të çalë u shpreh entuziast dhe dashamirës ndaj kërrbaçit të radhës që qeveria po ia shtrin qytetarëve. “ Vetëm një euro për metër katror do të paguahet, fjala vjen nëse dikush ka një banesë nëçint metra katror do të paguaj vetëm nëçint euro” tha ai. Në fakt këto “nëçint” euro janë mjaftueshëm për tu rryshfetuar tek qeveria si dhe për të mbushur xhepat e kompanive të sigurimeve. I tillë turp këtu në Shqipëri ndodh rëndom. I tillë ekzaltim i kompanive të lidhura me qeverinë gjithashtu ndodh rëndom, të paktën të nxirnin të fliste ndonjë që di të flasi shqip….do ishte një ngushëllim i vogël për shqiptarët.
