Një aksident i frikshëm ndodhi në orët e para të mbrëmjes së kësaj të diele në zonën e “Astirit”.
Një automjet përplasi për vdekje një të ri, i cili tentoi të kalonte në krahun tjetër të “Unazës së Re”, që përshkon mes për mes zonën.
Forca e përplasjes ka qenë aq e madhe sa i ka shkaktuar vdekjen e menjëhershme të riut të paidentifikuar ende nga policia.
Në imazhet e rënda të siguruara nga vendngjarja shihej trupi i pajetë i të aksidentuarit që dergjej në rrugë, teksa pritej mbërritja e ambulancës.
“Më datë 02.04.2023 rreth orës 19:20, në Unazë të Re, shtetasi P. M., duke drejtuar automjetin e tij ka aksidentuar një shtetas, ende të paidentifikuar, i cili si pasojë e aksidentit ka ndërruar jetë në vendngjarje”, njoftoi policia pak minuta pas ngjarjes.
Ndërkohë, Boldneës ka arritur të sigurojë edhe videon e kamerave të sigurisë që tregojnë momentin kur mamina ka marrë përpara qytetarin, që tenton të kalojë rrugën.
Nga pamjet shihet se i riu ka tentuar të kalojë rrugën në një zonë që nuk është përcaktuar për këmbësorët, ndërsa makina e ka “fluturuar” disa metra në ajër, duke e lënë të vdekur në vend.
Dhjetëra forca policie mbërritën në vendngjarje pas aksidentit dhe grupi hetimor ende po punon për identifikimin e viktimës dhe sqarimin e rrethanave te aksidentit.
LEXO EDHE:
Aksident i rëndë në “Unazën e Re”, ndërron jetë një person (FOTO)
