Gjykata e Tiranës dha masën e sigurisë “arrest me burg” për 28-vjeçarin, i cili akuzohet për mashtrimit kompjuterik.
Sipas Prokurorisë, i riu dhe një person tjetër i paidentifikuar kanë hakuar profile në FB të disa shtetasve nga Kosova. Më pas, ata iu shkruanin të afërmve të këtyre personave duke iu thëne: Jam sëmurë. Më çoni 1 mije ose 1 e 500 euro sepse nuk dal dot nga spitali se jam rëndë.
Ata iu kërkonin t’i dërgojnë paratë online. 28-vjeçari ishte në arrest shtëpie që në qershor për të njëjtat dyshime. Tërheqjen e parave e kanë bërë të afërm të një burri 85-vjeçar. Nipi i të moshuarit, nusja e nipit, vëllai dhe dy shokë, 9 veta në total.
Një shtetas nga Kosova kishte denoncuar në Prishtinë që kishte marrë nipin dhe i ka thënë që a i ke tërhequr lekët, por ai i ka thënë “jo, kujdes se je mashtruar”.
Avokati i të akuzuarit pretendon se prokuroria nuk ka asnjë provë që të lidhë klientin e tij me mashtrimin e pretenduar.
