“Fati i qytetit Bakhmut në Ukrainën lindore mund të përcaktojë fatin e luftës me Rusinë, apo edhe negociatat për luftën”, thekson presidenti i Ukrainës, Volodymyr Zelensky .
Në një intervistë për Associated Press, lideri ukrainas thotë, ndër të tjera, se vendi i tij duhet të fitojë betejën që po vazhdon prej shtatë muajsh në qytet.
Nëse kjo nuk ndodh, shton ai, Rusia e Vladimir Putinit do të jetë në gjendje të sigurojë mbështetje ndërkombëtare për një marrëveshje që do ta detyrojë Ukrainën të bëjë lëshime që nuk mund t’i pranojë.“Putini do t’ia shesë fitoren e tij Perëndimit, shoqërisë ruse, Kinës, Iranit. Nëse e nuhat se jemi të dobët, do të shtypë na pa mëshirë”, thot Zelensky.
Ai shton se me një humbje në Bakhmut, presioni për një marrëveshje do të vijë edhe nga brenda shoqërisë ukrainase, e cila do të ndihet e lodhur dhe do të kërkojë zgjidhje.
AP vëren se komentet e liderit ukrainas tregojnë se humbja në Bakhmut ka të bëjë më shumë me politikën sesa me taktikat e fushëbetejës.
