Qyteti i Kavajës u trondit mbrëmjen e kësaj të mërkurë nga një ngjarje e rëndë, teksa një konflikt përfundoi me dy viktima në një lokal të ndodhur në kryeqëzimin e Valutës.
Dy 43-vjeçarët Edmond Gosa dhe Sali Rexha, të cilët janë takuar për tu sqaruar në lidhje me një konflikt të mëparshëm, kanë përfunduar duke goditur njëri-tjetrin me armë dhe me thikë, duke ndërruar jetë të dy.
Gosa ka qenë i pari që e ka goditur tre here me thikë Rexhën, i cili më pas siç ishte i shtrirë përtoke ka nxjerrë pistoletën dhe e ka qëlluar duke i marrë jetën.
Ngjarja në fjalë mund të kishte marrë përmasa traggjike, pasi dëshmitarët në vendngjarje bëjnë me dije se Sali Rexha ka qenë në prani të gruas dhe të fëmijës së tij të mitur në momentin që është sulmuar me thikë.
Një prej banorëve të zones, i cili ndodhej në lokal në momentin e ngjarjes tha se Rexha kishte kapur prej dore djalin e tij të vogël, ndërkohë që i tronditur nënvizon se i shpëtuan mrekullisht plumbave.
“Kanë pasur sherr koti, nuk arritën me e mbyll. Ai ishte më djalin përdore, ai malësori se s’ja di emrin se janë të ardhëm. I pamë duke biseduar, dëgjuam krismën, ai u shtri atje, ky tjetri këtu.
Mirë që nuk më kapi ndonjë plumb. Kavajsi e myti atë me thikë, ai e myti atë me pistoletë”, tha dëshmitari nga vendngjarja.
Ndërkohë mësohet se Rexhaj ka ndërruar jetë në vendngjarje, ndërsa Gosa ka vdekur në spital.
Deri më tani nuk dihen motivet që kanë çuar në konflikt dy 43-vjeçarët, por mësohet se Edmond Gosa dhe Altin Rexha kanë ndryshuar të dy emrat dhe në dokumente mbajnë emrat Armand Gosa dhe Sali Rexha.
