Portieri i kombëtares së Serbisë, Predrag Rajkoviç, ka pasur një përleshje të ashpër verbale me tifozët e Malit të Zi.
Serbia ka mposhtur mbrëmë Malin e Zi (2:0) në javën e dytë të kualifikimeve për Kampionatin Evropian në një ndeshje të pakëndshme jashtë fushe në Podgoricë .
Në stadiumin e mbushur plot në Podgoricë u pa një atmosferë fantastike, një tifozeri e vërtetë, por nuk mund të bëhej pa skena të shëmtuara.
Krejtësisht të panevojshme, tifozët e Malit të Zi provokuan në mënyrë të turpshme portierin rezervë të përfaqësueses serbe Predrag Rajkoviç, teksa po ngrohej pranë vijës së lojës.
Rajkoviç nuk e duroi dot fyerjen e paturpshme të bashkëshortes së tij Ana Rajkoviç, kështu që për momentin e humbi plotësisht mendjen.
Ai ka rënë pre e provokimeve dhe ka hyrë në një përleshje të ashpër verbale me provokatorët.
https://twitter.com/i/status/1640612304768122881
