Banorët e fshatit Bërxullë, pronat e së cilëve preken nga autostrada Thumanë-Kashar, kanë dalë sot sërish në protestë, duke akuzuar edhe njëherë qeverinë për projektin ku firma e ndërtimit po kryen punime pa leje.
Ndyshe nga herët e tjera, mëngjesin e sotëm banorët kanë kërcënuar se do të vetëflijohen nëse nuk marrin një zgjidhje lidhur me rastin.
Një e moshuar teksa është ulur në mes të rrugës ka paralajmëruar se ka me vete shkrepëse dhe benzinë dhe kërcënon se do të digjet.
“Unë benzinën këtu e kam, do e përdor, edhe shkrepsen këtu e kam. Dhe unë do e përdor, as nuk më dridhet syri, jam heroinë si Shote Galica. Ku jeni ju? Thoni mos e zeni këtë anë e mos e zini atë anë. Ku ka këtu? Jemi të gjithë autoktonë”,- u shpreh ajo.,
Situata paraqitet e tensionuar, ndërsa ka patur dhe përplasje me policinë.
Edhe pse kanë më shumë se 6 muaj që protestojnë, asnjë deputet i majtë apo i djathtë nuk është afruar për të mbështetur banorët e Bërxullit ndaj ata kanë deklaruar gjithashtu se do të bojkotojnë zgjedhjet vendore.
Banorët e Bërxullës shprehen të vendosur se tokat e tyre nuk do t’i lëshojnë pa u kompensuar me çmimin e tregut.
