Banorët e Mamurrasit kanë sërish ditën e sotme në protestë, për të kundërshtuar kalimin e mjeteve të tonazhit të rëndë pranë banesave të tyre.
Prej 15 ditësh banorët kanë dalë në protestë, ndërsa sot situata është tensionuar ndërmjet banorëve të Mamurrasit, të lagjjes “Demokracia” dhe shoferëve të kamionëve të firmës.
Ata kanë bllokuar herë pas herë rrugën për kamionët. Por këtë mëngjes, që prej orës 7, administratori i firmës dhe shoferët, sipas banorëve, kanë shkuar pranë tyre dhe i kanë kërcënuar duke i kërkuar të tërhiqen nga protesta.
Banorët shprehen të vendosur për vijimin e protestës së tyre.
Në lagje shkuan forcat e Policisë të cilët u njoftua për situatën e tensionuar, por sipas banorëve, efektivët jo vetëm nuk po i mbrojnë dhe nuk po i largojnë kamionet, por edhe i kanë kërcënuar më burg.
