Ministri i Brendshëm, Bledi Çuçi, ka reguar pas sulmit me armë në ambjentet e Top Channel, ku mbeti i vrarë roja i sigurisë, Pal Kola.
Përmes një postimi në rrjete sociale, Çuçi u shpreh ngushëllime familjarëve, ndërsa shton se policia e shtetit po vijon hetimet për zbardhjen e ngjarjes së rëndë.
Reagimi i Çuçit;
Dënoj sulmin kriminal ndaj godinës së televizionit kombëtar Top Channel. Policia e Shtetit bashkë është maksimalisht e përkushtuar për të zbardhur këtë ngjarje të rëndë dhe për të vënë para drejtësisë autorët. Ngushëllime familjes së të ndjerit dhe solidaritet me #TCH.
Ngjarja ndodhi rreth orës 01:00, ku persona ende të paidentifikuar, u afruan me një automjet tip ‘Range Rover’ ma targa të vjedhura dhe hapën zjarr në drejtim të Top Channel. Në vendin e ngjarjes janë sekuestruar të paktën 25 gëzhoja kallashnikovi, ndërsa një nga plumbat ka përfunduar në trupin e punonjësit, duke i marrë jetën.
Pas ngjarjes, autorët janë larguar, ndërsa në aksin Tiranë-Durrës është gjetur automjeti që kanë përdorur në krim bashkë me dy armë tip kallashnikovi.
Nuk dihen ende shkaqet e ngjarjes së rëndë, ndërsa rasti po hetohet nga policia.
