Një shqiptar është arrestuar nga policia italiane pasi u kap me rreth 380 gram heroinë.
Mediat italiane shkruajnë se ai është Betim Xeca, 43 vjeç, rezident në Isola të Capo Rizzuto. 43-vjeçari shqiptar ka tërhequr vëmendjen e patrullës së policisë me makinën e tij tip “FIat Panda”, pasi ka kryer disa manovra.
Policia u vu në ndjekje të makinës dhe gjatë kontrollit, u pa se mes këmbëve shqiptari mbante një pako të mbështjellë me letër transparente, brenda së cilës kishte fshehur drogën, ndërsa në vendin e pasagjerit, kishte një zarf të vogël po me drogë.
Po kështu një sasi heroine iu gjet edhe në xhepin e djathtë të pantallonave.
