Kandidati i opozitës për bashkinë e Durrësit në lokalet e 14 Majit, Igli Cara ka shpërndarë në faqen tij në FB një foto ku shquhet një rrugë e paasfaltuar, me baltë e ujë.
Në komentin që shoqëron foton, ai shprehet se në periferi të Durrësit mungojnë shërbimet nga indiferenca e bashkisë.
“Në mes të baltës në dimër dhe pluhurit në verë. Larg gjelbërimit dhe pa asnjë hapësirë të dedikuar. Nuk është një zgjedhje, po përditshmëria e baltosur e fëmijëve, që jetojnë në periferi të qytetit! Atje ku jetesa kushtëzohet nga mungesa e shërbimeve dhe indiferenca e Bashkisë së Durrësit. E ardhmja e fëmijëve tanë nuk mund të mbetet peng i Bashkisë së Durrësit! Bashkë fitojmë”, shkruan Cara.
