Duke komentuar situatën e krijuar mbrëmjen e djeshme në autostradën Tiranë-Durrës, ministri i Shtetit për Diasporën, Pandeli Majko, është shprehur se të izoluar nga uji kanë qenë dhe familjarë të tij.
“Unë kam pasur familjarët e mi mbrëmë në makinë dhe megjithëse isha në podiumin e parlamentit arrija të ndieja shqetësimin e tyre, jo vetëm se kisha familjen time por se ata më tregonin online se çfarë po ndodhte dhe me të vërtetë ka qenë një situatë e jashtëzakonshme”, deklaroi Majko.
Ndërkohë që pak më parë ministri pohoi se shkaktarët për bllokimin e rrugës, janë bizneset e ndërtuara përgjatë autostradës.
