Aventurat e shoferëve të autobusëve në linjat e transportit urban në Tiranë nuk kanë të ndalur.
Kur ende në memorien e qytetarëve është e freskët skena e aksidentit të frikshëm në zonën e “Shallvareve”, ku autobusi i linjës së Unazës mori përpara 10 automjete, policia njofton se është arrestuar në gjendje të dehur një shofer autobusi i linjës së Laprakës.
“Gjatë kryerjes së testit me aparatin alkool-testues, 57-vjeçari me iniciale G.T., banues në Tiranë, sepse pas testimit me aparatin alkool-testues, rezultoi se drejtonte autobusin e linjës së Laprakës, në gjendje të dehur”, njoftojnë blutë e kryeqytetit.
Sipas policisë, kontrollet janë shtuar në automjetet e transportit publik, për shkak të rëndësisë që paraqet ky sektor.
