Një aksident rrugor është regjistruar mbrëmjen e sotme në “Unazën Jugore” të Elbasanit dhe për pasojë një e moshuar ka mbetur e plagosur.
Mësohet se e moshuara ka tentuar që të kalojë rrugën kur është përplasur nga një makinë, që sipas dëshmitarëve ka qenë duke qarkulluar me shpejtësi të lartë.
Sipas dëshmive të tyre ka qenë pikërisht shpejtësia shkaku pse mjeti nuk ka mundur të evitojë përplasjen e të moshuarës.
E moshuara është dërguar në spitalin e Elbasanit për të marrë ndihmën e nevojshme mjekësore, ndërsa policia po heton shkaqet që sollën aksidentin dhe ndalimin e drejtuesit të mjetit.
