FIFA nuk lejon Andreas Ndoj të luajë për Greqinë. Mesfushori 20-vjeçar i Olimpiakosit nuk do të debutojë me përfaqësuesen helene gjatë muajit mars, për shkak të rregullores së futbollit.
Disa vjet më parë, lojtari me origjinë nga Shkodra kërkoi te FIFA të largohej nga 17-vjeçarët kuqezi, për t’iu bashkuar Greqisë.
Më pas ai u largua nga 19-vjeçarët grekë, për të luajtur me Shpresat e Shqipërisë.
Kërkesa e tretë te FIFA për të braktisur Kombëtaren dhe për të luajtur me grekët nuk është pranuar ende, pasi rregullat lejojnë vetëm dy herë ndryshimin e përfaqësueses.
