I ftuar në studion e “Top Story”, profesori i kriminalistikës bëri bilancin e viktimave në vend. Sipas tij, një javë u mbyll me 9 të vdekur dhe 18 të plagosur.
Duke iu referuar ngjarjes së rëndë te “Don Bosko”, Karamuço tha se kemi të bëjmë me një vrasje me dashje dhe jo ashtu sikundër po flitet, se ajo u vra me dashje.
Më tej Karamuço tha se ata që qëlluan janë hijena, jo vrasës profesionistë, kanë bërë qitje të dedikuara dhe në kufijtë e një terrori.
Na kanë dështuar gjashtë pika kontrolli kryesore që janë në hyrje të kryeqytetit që bëjnë identifikimin e çdo mjeti, tha Karamuço.
Në fundjavë vazhdoi ai, kemi pasur shërbime të përforcuara dhe gjithmonë vrasjet na ndodhin të dielën në darkë, kur policia nuk është e shumtë në terren.
Më tej ai tha se këto janë vrasje që kanë nisur tre vite më parë dhe janë shënuar disa viktima.
Sipas Karamuços, Policia e Shtetit duhet të ndryshojë strategji në kontrolle.
37 minuta , tha ai është distanca nga vendi i ngjarjes deri tek vendi ku është djegur automjeti dhe policia nuk e ka vënë re. Ndërkohë shtoi se mosidentifikimi i mjeteve që largohen pas një krimi tregon korrupsionin në radhët e policisë.
