Një makinë ka shpërthyer mëngjesin e sotëm pranë Kopshtit Botanik në Tiranë. Mësohet se nuk ka persona të lënduar. Makina është e tipit “Passat” me targa AA 946 EE. Dhjetëra forca policie ndodhen në vendin e ngjarjes. Nuk dihet ende pronari i automjetit.
Burime në vendin e ngjarjes thanë se dyshohet se mjetit i është vendosur rreth 200 gr tritol pasi shpërthimi ka qenë i fuqishëm. Në momentin e shpërthimit automjeti ka qenë i parkuar. Ekspertët ndodhen në vend dhe kanë nisur mbledhjen e gjurmëve.
