Fansat u siguruan sot që Luizi të jetë në dijeni të popullaritetit të madh që ka fituar.
Në shtëpinë e Big Brother mbërriti një dron për Luizin, në të cilin ishin shkruar numri i ndjekësve të tij në Instagram dhe numri i klikime për emrin e tij TikTok.
Droni erdhi teksa ai po qëndronte në oborr bashkë me Kiarën dhe Visin, me të cilët ndau emocionet e tij pasi mori këtë informacion.
Por reagimet e Kiarës gjatë bisedës, nuk i kanë pëlqyer aspak ndjekësve.
Ndërsa Luizi po filste plot entuziazëm në lidhje me dronin, Kiara iu drejtua: “Boll tani, boll pra. Me këmbë në tokë. Mos fluturo.”
Përgjigja e Luizit për moderatoren ishte: “Ky është droni më i bukur në jetë, po 6 miliardë, tani kapem edhe me Elon Musk. Më lër ta shijoj dreqi e mori, se nuk kam me kë flas, juve ju kam këtu.”
Reagimi i Kiarës, po komentohet në rrjet dhe ndjekësit janë të ndarë në mendime: Disa thonë se moderatora “nuk u gëzua për partnerin e saj” dhe “është xheloze”, ndërsa të tjerë e shikojnë si “këshillë” komentin e saj.
