Thuajse i gjithë territori i vendit është përfshirë nga reshje shiu gjatë ditës së sotme, ndërsa temperaturat janë ulur ndjeshëm duke krijuar një klimë tipike dimri edhe pse jemi në prag të pranverës.
Reshjet e shiut janë duke rënë nga veriu në jug, edhe pse me një intensitet të ulët, kanë shkaktuar probleme të vogla në qarkullim.
Por, ky mot pritet të ndryshojë tërësisht duke nisur nga nesër në mëngjes ku parashikohet se ndryshe nga sot, qielli do të jetë i kthjellët duke u bërë një ditë ideale për piknik apo për të dalë në qytet.
