Kreu i Partisë së Lirisë, Ilir Meta thotë se zgjedhjet e 14 Majit do të mbyllin kapitullin e pushtetit monist dhe arrogant të Edi Ramës që nuk jep llogari, por vetëm abuzon dhe shpërdoron.
Ai shton se zgjedhjet e 14 Majit do të rikthehjnë demokracinë dhe rolin e qytetarëve në vendimmarrje.
“Zgjedhjet e 14 Majit do të jenë historike, sepse do të mbyllin përfundimisht kapitullin e pushtetit monist dhe arrogant, që nuk jep llogari, por vetëm abuzon dhe shpërdoron.
Do të jenë historike sepse do të rikthejnë demokracinë dhe rolin e qytetarëve në vendimmarrje dhe sidomos do të rikthejnë shpresën tek të rinjtë dhe të rejat e Shqipërisë”– shkruan Meta.
Më tej duke iu referuar vendimit të KQZ, Meta thekson se asgjë nuk i ndal dot kandidatët tanë, kandidatët e primareve për t’u regjistruar, për të konkurruar dhe për të fituar në këto zgjedhje.
“Asgjë nuk i ndal dot kandidatët tanë, kandidatët e primareve për t’u regjistruar, për të konkurruar dhe për të fituar në këto zgjedhje, të cilat HISTORIKE, jo thjesht për të çrrënjosur monizmin në nivel vendor dhe korrupsionin e frikshëm në këto katër vite në pushtetin lokal, por njëkohësisht edhe për të çrrënjosur në themele gjithë këtë sistem piramidal, gangster që vetëm përjashton qytetarët dhe vetëm shpërdoron taksat e tyre”, deklaroi Meta.
