E ardhmja e Jose Mourinhos mbetet një pikëpyetje e madhe te Roma.
Sipas mediave italiane, “The Special One” rrezikon largimin nga kryeqyteti në rast se nuk kualifikohet në Champions edicionin e ardhshëm.
Për këtë çështje ka folur vetë drejtori i përgjithshëm i Romës, Tiago Pinto. Ky i fundit në një intervistë për DAZN, ka preferuar të shmangë një përgjigje konkrete duke çuar fokusin tek objektivat e Romës deri në fundin e sezonit.
A varet e ardhmja e tij nga kualifikimi në Champions League? “Në shoqëri jemi të gjithë në të njëjtën linjë. Roma meriton një sakrificë nga të gjithë. Mendojmë vetëm se si të fitojmë të gjitha ndeshjet. Objektivi jonë primar është të sjellim në shtëpi tre pikët në çdo ndeshje.”
