Autoritetet në Greqi kanë arritur të identifikojnë kufomën e një personi që u gjet i groposur në shtator të vitit 2022 ne Mouriki, Viotia.
Pas analizës së ADN trupi rezulton të jetë i 46-vjeçarit Ilir Rrasa nga Elbasani, i cili ishte arratisur nga burgu i Patrës në gusht 2011 pas lejes 6 ditore.
Viktima ishte i dënuar me 15 vjet e 2 muaj burg dhe 30 mijë euro gjobë për trafik droge.
Trupi i tij u gjet i varrosur në një fushë nga punëtorët që po instalonin një tubacion nëntokësor, një kilometër përpara fshatit Mouriki në Thiva. Në rrobat e tij policët e Thivës kishin gjetur një kartë identiteti të Autoriteteve Shqiptare, duke konstatuar kështu se ai ishte i arratisuri nga burgjet e Patrës.
Autoritetet policore i morën vëllain e tij në Athinë material biologjik, i cili u identifikua me atë të viktimës. Policia e Thivës vijon hetimet për identifikimin e autorëve që e varrosën në vendngjarje dhe nëse është apo jo vepër penale.
