Dhuna në familje është kthyer në një fenomen që prodhon çdo ditë njoftime policie, pasi uniformat blu thirren për të zgjidhur konflikte mes çifteve por edhe mes prindërve e fëmijëve.
Në një rast dhune në Tiranë, policia është thirrur për të vënë në pranga një 20-vjeçar që ka dhunuar xhaxhain e tij.
I riu me inicialet O.Zh. është arrestuar në flagrancë pasi dyshohet se ka rrahur me grushte xhaxhain e tij.
“Gjithashtu, specialistët për Hetimin e Krimeve të Komisariatit të Policisë Nr. 6 arrestuan në flagrancë shtetasin O. Zh., 20 vjeç, banues në Tiranë, pasi ka goditur me grusht, për motive të dobëta, xhaxhain e tij”, njofton policia.
Grupi hetimor ndërkohë ka nisur punën për të zbardhur motivet e sherrit.
