Një sasi lëndë plasëse i është vendosur një marketi në Kamzë, ku për fat të mirë ka pasur vetëm dëme materiale.
Sipas burimeve, marketi është në pronësi të familjarit të Naim Qarrit, ish-presidenti i klubit të Kamzës, ende nuk dihen rrethanat e ngjarjes.
Pronarët e marketit kanë deklaruar për mediat se nuk kanë konflikte dhe nuk e dinë se kush mund të jetë autori i mundshëm i ngjarjes së rëndë. Autori dallohet përmes pamjeve të kamerave të sigurisë, por për shkak të errësirës nuk është i mundur identifikimi.
Nga shpërthimi është dëmtuar vetrata anësore e marketit, ndërkohë grupi hetimor ka nisur punën për zbardhjen e rrethanave të ngjarjes.
“Nuk kemi konflikte, nuk di kush është autor“, pohoi familja Qarri.
Naim Qarri ka qenë pre e shpërthimeve me tritol edhe më herët. Në vitin 2017, Qarrit iu vu një sasi eksplozivi në mjetin e tij tip ‘Hummer’.
