Enkelejd Alibeaj tha se këtë të Hënë se ndihet kryetar i Partisë Demokratike.
Deklaratën e bëri pas mbledhjes së kryesisë së grupit të tij, ku përsëriti që kandidatët e primareve të PD-së ti bashkohen atij për zgjedhjet e ardhshme lokale. Propozim që grupi tjetër e sheh me skepticizëm, ndërsa kreu i opozitës Sali Berisha vijon ta quajë Alibeajn “vegël të Ramës”.
Alibeaj nuk iu përgjigj pyetjeve të gazetarëve nëse autorizimi i lëshuar nga Basha për regjistrimin në KQZ që mban datën në 18 Mars është i falsifikuar apo ai e kishte planifikuar atë ç’ka do të ndodhte me PD. Po ashtu, nuk iu përgjigj gazetarëve nëse do të takohet me Berishën për një bashkëpunim.
I pyetur disa herë “kush është kryetar i PD” dhe më pas “ndiheni kryetar i PD”, ai tha se “ Jo vetëm jam, por ndihem drejtuesi i PD-së dhe ushtruesi i detyrës, që nga momenti i vitit të kaluar kur dha dorëheqjen Basha”.
