Të paktën 10 persona në bordin e një fluturimi të “Spirit Airlines” nga Dallas në Orlando u dërguan në spital pasi një zjarr në bagazhin e pasagjerëve e detyroi pilotin të bënte një ulje emergjente në Jacksonville.
Sipas mediave bateria e pajisjes u ndez dhe ekuipazhi, me ndihmën e pasagjerëve, përfshirë një zjarrfikës në pension arritën të shuanin zjarrin.
“Ata bënë një punë të mrekullueshme”, tha një zëdhënës i Departamentit të Zjarrfikësve.
Në imazhet e shpërndara në rrjetet sociale, mund të shihet tymi duke mbushur kabinën e avionit. Linja ajrore tha se sendi personal i një pasagjeri shkaktoi zjarrin.
“Një zjarrfikës në pension u përgjigj menjëherë ndërsa ekuipazhi i fluturimit u fut dhe u përpoq të hidhte ujë, u deshën rreth 20 minuta”, përshkroi një pasagjer.
Here’s video from inside the @SpiritAirlines flight where a fire broke out in an overhead bin en route to #Orlando. Firefighters say it stemmed from a battery in someone’s carry on. JFRD says 10 people were taken to the hospital w/ non-life threatening injuries @wjxt4 pic.twitter.com/ib7bMGweLd
— Renee Beninate (@reneebeninate) March 2, 2023
“Piloti na zbarkoi shpejt. Ne patëm një ulje vërtet të qetë, por ishte shumë e frikshme për një kohë derisa e kuptuam se ishim në tokë dhe të sigurt”, shtoi Kerri Arakawa.
Administrata Federale e Aviacionit do të kryejë një hetim për incidentin.
