Dan Hutra, autor i masakrave me 3 gra të vrarë dhe 3 të tjera të plagosura, ka dalë sot para Gjykatës së Tiranës, ku do i komunikohet masa e sigurisë.
Në pamjet e siguruara nga gjykata, Hutra shfaqet pas kafazit prej xhami.
Pyetjeve të gazetarëve nëse është penduar apo nëse ka ndonjë koment, nuk u është përgjigjur.
Prokuroria ka ngritur akuzat e ‘vrasjes për shkak të marrëdhënieve familjare’, ‘vrasjes me paramendim’ dhe ‘prodhimit dhe mbajtjes pa leje e të armëve’ ndaj 41-vjeçarit Dan Hutra.
Prokurori i çështjes ka kërkuar masën e sigurisë arrest me burg për autorin, i cili vrau 3 gra dhe plagosi 3 të tjera.
Hetime po kryen edhe nëse në masakrën e 1 marsit ku humbën jetën Etleva Kurti, Mevlute Hysa dhe Hasime Dafku, autori të jetë ndihmuar nga persona të tjerë.
Dan Hutra me precedentë të mëparshëm penalë, rrëfeu të gjithë kronologjinë e masakrës duke shtuar se po atë ditë kishte planifikuar një vrasje tjetër në zonën e Sharrës, por që nuk e realizoi dot pasi u prangos nga policia.
Lexo edhe:
Dëshmia e Dan Hutrës: Doja të vrisja të tjerë persona, pastaj do dorëzohesha
