Aktori Tom Sizemore, i njohur për shkëlqimin e tij artistik në filma si “Saving Private Ryan”, “True Romance” dhe “Black Hawk Down”, ka vdekur në moshën 61-vjeçare pas një aneurizmi në tru.
”Sizemore vdiq dje në një spital në Burbank, Kaliforni”, sipas menaxherit të tij, Charles Lago.
Aktori ishte dërguar në njësinë e kujdesit intensiv të qendrës mjekësore ”Providence Saint Joseph” në Burbank, më 18 shkurt, kur ishte në gjendje kritike dhe mbeti në koma.
Në fillim të kësaj jave, Lago lëshoi një deklaratë në emër të të afërmve të aktorit të “Heat”.
“Mjekët informuan familjen e tij se nuk kishte më shpresë dhe rekomanduan vendimin për fundin e jetës”, tha ai.
Lago tha në një deklaratë se Sizemore “vdiq i qetë në gjumë… në St Joseph’s Hospital Burbank. Vëllai i tij Paul dhe djemtë binjakë Jayden dhe Jagger ishin pranë tij”.
Në vitin 1998, Sizemore luajti përballë Tom Hanks dhe Matt Damon në dramën e Steven Spielberg, fitues të çmimit Oscar në Luftën e Dytë Botërore, “Saving Private Ryan”.
Sizemore portretizoi dorën e djathtë të kapitenit Miller (Hanks), Mike Horvath, një ushtar besnik dhe i guximshëm që jep linjën titullare të filmit dhe ruan suvenire nga çdo turne ushtarak që ka përfunduar.
I lindur më 29 nëntor 1961, Thomas Edward Sizemore Jr. u rrit në Detroit.
Babai dhe nëna e tij ishin avokatë.
