“Ayla” është filmi turk kandidat për çmimet Oscar, pjesë e nominimeve si “Filmi më i mirë në gjuhë të huaj”. Ndër aktorët turk që interpretojnë në këtë film veçojmë Murat Yldirim, aktorin e njohur nga “Mbretëresha e natës” dhe Sinem Ozturk, aktoren të cilën e kemi parë në serialin “Dashuri me Qira”.
Mustafa Uslu, bashkëshorti i Sinem u shpreh shumë entuziast për këtë nominim. “Jemi shumë pranë Oscar-it. Të ardhurat nga ky film janë rreth 2 milion. Jemi shumë të sigurt se nëse çdo gjë do të jetë e drejtë, ne do të jemi fitues.” – u shpreh ai.
“Kush mund ta injorojë këtë histori? Populli turk është prekur nga ky film megjithatë janë amerikanët, ata që kanë derdhur më shumë lot tek e shihnin” – shtoi Uslu.
Megjithatë, ajo ç’ka i ka bërë të gjithë kastin e këtij filmi të ndihen keq, është gjëndja shëndetsore e Suleyman Dilbirligi, 91 vjeçari i cili interpreton në film.
“Suleyman është një nga personat e rëndësishëm të jetës dhe karrierës time, ai më ka udhëhequr në çdo hap. Dua të bëhet mirë sa më parë.” – u shpreh mes lotësh Sinem.
