Një i ri në Velipojë është arrestuar për armëmbajtje pa leje.
Në pranga u vu Denis Shllaku, 19 vjeç.
“Në fshatin Baks, në Velipojë, shërbimet e Policisë kanë ndaluar për kontroll automjetin tip ‘Ford’ me drejtues shtetasin D.Sh. Gjatë kontrollit në këtë automjet, shërbimet e Policisë kanë gjetur 2 armë zjarri (1 pistoletë dhe 1 kallashnikov) dhe municion luftarak, të cilat u sekuestruan në cilësinë e provës materiale. Në vijim të veprimeve, shërbimet e Policisë arrestuan në flagrancë drejtuesin e automjetit, shtetasin D.Sh., 19 vjeç, banues në fshatin Trush, Shkodër”, njoftoi policia.
Sipas të njëjtave burime, aksioni erdhi bazuar dhe në informacionet e siguruara përmes inteligjencës informative.
