Kandidati i opozitës për Bashkinë e Kuçovës, Lefter Maliqi mesditën e sotme ka zhvilluar një takim me kreun e Partisë së Lirisë, Ilir Metën.
Teksa ka postuar një fotografi në rrjetet sociale, Maliqi garanton qytetarët se pas fitores më 14 maj, do t’ia kthejë bashkinë qytetarëve.
“Takim miqësor dhe optimist me ish-Presidentin e Republikës, Kryetarin e Partisë së Lirisë Z. Ilir Meta. Së bashku me “Opozitën e Bashkuar” dhe socialistët e ndershëm, të sigurt për fitoren e Bashkisë Kuçovë! Bashkia do i kthehet qytetarëve! Kuçova “Kantier Ndërtimi””, shkruan Maliqi.
Në kuadër të fushatës elektorale, Maliqi kohët e fundit ka zhvilluar takime me banorët e të gjithë zonës së Kuçovës ku ka dëgjuar nga pranë problematikat e tyre dhe premton se gjithçka do të ndryshojë pas 14 majit.
