Makina tip “Chevrolet” me targa AX 6200 IP e dy spiunëve rusë Mikhail Zorin e Svetlana Timofeeva, dhe ukrainasit Fedir Alpatov pushtoi rrjetin pas arrestimit të tyre, teksa mediat nxitonin të publikonin imazhe të mjetit pas sulmit në uzinën e Gramshit më 20 gusht të vitit të kaluar.
Dy rusët dhe ukrainasi 25-vjeçar u ndaluan pasi hynë brenda në uzinën e Gramshit në muajin gusht për t’u bërë foto ambienteve dhe akuzohen si spiunë rusë.
Mbi Zorin, Timofeeva dhe Alpatov rëndojnë akuzat për veprat penale “Goditja për shkak të detyrës”, “Dhënia e informacioneve sekrete” dhe “Sigurimi i informatave”, të gjitha të kryera në bashkëpunim.
Pas arrestimit shtetasi rus Mikhail Zorin u ka thënë efektivëve se për fotot është kontaktuar nga agjentë rus të cilët kishin interes në pamje të uzinave ushtarake.
Grupi i tyre ka qenë në shumë qytete në Shqipëri nga ku kanë fotografuar, pamje të cilat janë sekuestruar nga policia, por banorëve të fshatit Çekin në Gramsh ku ndodhet fabrika ushtarake i ka rënë në sy pikërisht makina ngjyrë portokalli, e cila lëvizte në rrugët e fshatit.
Madje ata kanë bërë edhe video duke menduar se kjo makinë e shtrenjtë i përkiste ndonjë emigranti ardhur për pushimet e verës, pasi kishte qarkulluar aty tre ditë para sulmit.
Hera e fundit që makina “Chevrolet” u pa nga publiku ishte më 9 nëntor 2022 kur u shfaq para ambienteve të SPAK, pasi u vendos heqja e sekuestros së automjetit.
Sakaq, në një video të siguruar nga Boldneës, makina portokalli shihet e mbuluar nga pluhuri dhe e lënë në harresë në një garazh, shumë pranë ambienteve të Prokurorisë së Posaçme.
