Rodi Barçi, shofer në kazinonë ku punonte 22-vjeçarja keniane që u dhunua barbarisht në Tiranë dhe humbi jetën, është është shoqëruar në polici.
Sipas hetimeve të deritanishme, Barçi ishte ndër personat e fundit që ka takuar 22-vjeçaren keniane që humbi jetën në rrethana të paqarta.
Mësohet se efektivë të Komisariatit nr.1 kanë kryer kontroll në banesën e tij me kërkesë të prokurorisë dhe vendim të Gjykatës së Tiranës.
Në dëshminë e tij, burime policore thanë se shoferi ka mohuar të ketë pasur një konflikt me vajzën keniane. Ai është shprehur se kanë qenë miq me njëri-tjetrin.
Po këtë të Shtunë, është publikuar në media një foto e vajzës nga Kenia, për të cilën raportohet se ka dyshime që është shkrepur rreth 2 orë disa orë para se ajo të dhunohej. Siç shihet nga fotoja ajo është në shoqërinë e një vajzë tjetër, e cila dyshohet se është shoqja e saj e dhomës.
22-vjeçarja e cila punonte në një kazino, qëndroi për disa kohë në gjendje kome në spitalin e Traumës në Tiranë, e më pas u transferua në Kenia, aty ku edhe ndërroi jetë.
Hetimet për çështjen po i kryen prokuroria e Tiranës, që ende nuk ka një përgjigje për dinamikën apo autorët e ngjarjes.
Në media, janë hedhur akuza se familjarët të ministriave të qeverisë janë të përfshirë në ngjarje.
Nga policia ngjarja nuk u raportua pasi ndodhi, por një reagim zyrtar edhe disa javë më pas, vetëm pas raportimeve në media.
Dyshimet janë se 22-vjeçarja keniane, Joy Aoko u dhunua në banesën ku jetonte me qera e më pas u hodh prej saj, duke u plagosur rëndë, për të humbur jetën më pas në spital.
Në një intervistë për mediat, nëna e Joy-t ka akuzuar se shoferi Barçi, në dijeninë e saj, e përndiqte të bijën. Ajo tregoi se 4 ditë para ngjarjes, vajza kishte udhëtur me shoferin e kazinosë Barçi, për në Durrës.
