Daniele De Rossi u ka kërkuar falje shokëve të ekipit dhe tifozëve të Romës, pasi shkaktoi një penallti duke marrë edhe karton të kuq gjatë barazimit 1-1 ndaj Genoas.
Pasi kishte marrë avantazhin me golin e Stephan El Shaarawy, Roma humbi dy pikë të rëndësishme, pasi De Rossi në fillim tërhoqi fanellën e Lapadulës, më pas e goditi me shpullë teksa po bëhej një goditje këndore e Griffones.
Pasi e konfirmoi me VAR, arbitri i tregon karton të kuq De Rossit dhe dha një penallti për vendasit. Lapadula e shndërroi në gol dhe Roma nuk ishte e aftë të bënte një tjetër gol.
“Incidenti i penalltisë? Prandaj kam ardhur këtu,” shprehet De Rossi pas ndeshjes në “Marassi”.
“Nuk ka shumë për të thënë. U mundova të bllokoj Lapadulën, dhe pamjet nuk janë edhe aq të bukura për t’u parë. U kërkoj falje të gjithëve. Do të ngrihemi sërish”, tha De Rossi.
