Pamjet dramatike nga dhunimi i Petraq Milos në kufirin me Malin e Zi nga policia e këtij vendi, kanë bërë xhiron e mediave.
Mirëpo një deklaratë e kryeministrit të Malit të Zi, Dritan Abazoviç, i dili u përpoq ta justifikonte dhunën, duke deklaruar se Milo mund të mos ketë respektuar rradhën, shkaktoi shumë zemërim në Shqipëri.
Për këtë çështje ka folur kryetari i Partisë së Lirisë, Ilir Meta, i cili e ka patur Petraq Milon këshilltar të tij.
I ftuar në emisionin “Të Pakekspozuarit” në MCN TV, Meta e cilësoi deklaratën e Abazoviç si “zhgënjyese”, ndërkohë që ngjarjen e quajti “të rëndë”.
Ylli Rakipi: Ish këshilltari juaj, Petraq Milo u dhunua nga policët malazezë në kufi. Ndërkohë dua të ndalem te Dritan Abazoviçi, që është përpjekur të justifikojë policët.
Ilir Meta: Kjo që ka ndodhur është shumë zhgënjyese. Herë pas herë aty ka një lloj trafiku, por sjellje të tilla nuk kemi dëgjuar. Ajo që kemi parë është shumë e rëndë. Ai ka qenë shumë korrekt, as ka reaguar negativisht, ka qenë shumë i qetë dhe i përmbajtur. Është e papranueshme. Edhe sikur të kishte ndodhur shkelje, ndalohet dhe vendoset gjobë apo bëhet veprim tjetër. Reagimi është zhgënjyes dhe është për të ardhur keq, sepse një qytetar ëhtë cënuar në mënyrë brutale dhe të papranueshme, duke qenë me familjen e tij.
Qeveria e Malit të Zi duhet të kishte reaguar me kohë dhe duhet ti kishte marrë masat me kohë. Është për të ardhur keq kjo gjë që ka ndodhur.
