Një grabitje e pazakontë ka ndodhur në Dimal. Policia njofton se është vjedhur gjatë natës banesa e një 64-vjeçari, pasi më parë autorët i kishin marrë çelësin e saj.
Janë ende të paqarta rrethanat në të cilat autorët kanë arritur t’ia marrin çelësin të zotit të shtëpisë, por bëhet me dije se janë grabitur 1 milionë e 500 mijë lekë të vjetra.
“Gjatë natës, në fshatin Goriçan, Dimal, dyshohet se shtetas ende të paidentifikuar, të cilët kishin siguruar çelësin e derës së banesës së shtetasit P. Xh., 64 vjeç, kanë hyrë në këtë banesë, duke hapur derën me çelës, dhe kanë marrë rreth 150 000 lekë të rinj, telefonat e të zotëve të banesës dhe janë larguar. Menjëherë pas njoftimit për këtë rast, shërbimet e Policisë kanë shkuar në vendin e ngjarjes”, njofton policia.
Grupi hetimor, nën drejtimin e Prokurorisë, po punon intensivisht për zbardhjen dhe dokumentimin e plotë të rrethanave të ngjarjes dhe njëherësh kontrollet në terren me qëllim kapjen e autorëve dhe vënien e tyre përpara përgjegjësisë penale.
